Gargadin Masu Zuba Jari – Sanya Shafukan Cinikin Yanar Gizo Biyar (5) na Italiya a Jerin Baƙi An wallafa: March 30, 2023

22/03/2023

Hukumar Kula da Takardun Jari ta Italiya, (Commissione Nazionale per le Soecieta’ e la Borsa – CONSOB) ta sanya ƙarin shafukan cinikin yanar gizo guda biyar (5) a jerin baƙi saboda bayar da ayyukan kuɗi ba tare da izini ba kuma na damfara. Shafukan su ne:

1. CMS Ltd (capmarketstrategy.io, tare da shafinsa https://client.capmarketstrategy.io);
2. Bitsterzio(https://www.bitsterzio.com);
3. Invest Atlas (https://investatlas.co)
4. Ether-Arena Ltd (www.ether-arena.com); da
5. Ether-Arena Ltd (https://veneab.co, tare da shafinsa: https://clientzone,vineab.com ).

CONSOB ta umarci Masu Ba da Sabis na Intanet (ISP) da ke aiki a Italiya su toshe wa jama’a damar shiga shafukan da aka sanya a jerin baƙin, kuma ta yi kira ga masu shirin zuba jari su yi matuƙar bincike da taka-tsantsan wajen zaɓin zuba jari da matakan hankali masu muhimmanci don kare ajiyarsu, ciki har da tabbatar da ko an yi wa irin waɗannan shafukan cinikin yanar gizo rajista ko a’a.

Hukumar na kuma jawo hankalin jama’a masu zuba jari a Najeriya cewa SEC Nigeria ba ta yi wa shafukan cinikin yanar gizo da aka ambata a sama rajista ba, kuma SEC ba ta ba da izinin ayyukan kuɗin da shafukan ke bayarwa ba.

Bisa ga wannan, ana GARGAƊIN jama’a cewa duk wanda ya yi ma’amala da shafukan cinikin yanar gizo da aka ambata a sama yana yin hakan ne a kan haɗarin kansa.

SA HANNU

HUKUMAR GUDANARWA